Би сэтгэж байгаа учир оршин байдаг. Декарт

Багшаас надад

no_email@coo.mn (hutagt_eh) — Fri, 06 Jan 2012 14:54:00 +0800

Эрэвгэр хөөрхөн нүдээрээ инээвхийлж байгааг чинь харахад баясалтай

Ихийг бүтээх хүслийг тань мэдрэхэд жаргалтай

Аливаад хандах хандлагыг чинь танихад бүүр ч бахархалтай

Аясын салхи шиг Цоглог хөөрхөн охин чамдаа

Алс ирээдүй чинь эвлэг байхын ерөөлийг өргөе.

Амар мэндийн орчлонд

Аятай тухтай орчинг цогцлоож явна гэдэгт итгэж байдаг шүү багш нь.

Аядуухан энхрийхэн охин минь

Азтай л аавын хүүгийн голомтыг бадрааж

Ачлал хайрын дээдийг түгээж явна даа гэхээс гоё байдаг юм шүү

Миний хүндэт багш надад зориулж бичив.

Ц.Цэгмиджав багш

[дэлгэрэнгүй]

Ээзгийтэй цай

no_email@coo.mn (hutagt_eh) — Sat, 10 Dec 2011 02:04:00 +0800

Цас хялмаалан орж байна. Гадаа хүйтэн байгаа бололтой. Харин миний гэрт дулаахан сайхан байна. Сэтгэл зүрх минь ч мөн хайраар бялхаж би үнэхээр аз жаргалтай хүн гэдгээ мэдэрч байна. Ээжийнхээ чанасан цайнд ээзгий, ааруулаа хийгээд хамтдаа цайгаа уух юутай жаргалтай... Хойморт залрах бурхад минь бидний амьдралыг тэгшилж байдаг гэдэгт эжий та минь итгэдэг шиг миний бурхан ээж та минь охиныхоо амьдралыг гэрэлтүүлж байдаг шүү. Олоон жилийн өмнө.... Сумын төвийн 8 жилийн сургуульд.... Хагас сайн өдөр бүр хичээл тархыг яаран яаран хүлээж яаав хэмээх улаан мотоциклын ард сундлан суугаад бригадын төв дээр байх гэрлүгээ явдагсан. Өдөр хичээлээ тараад явах гэсээр байтал минь шөнө болчихно. Энд тэнд янз бүрийн гэрэл гараад чөтгөр хэмээх үл үзэгдэх амьтнаас үхтлээ айна. Айсандаа булчирхайгаа цочтол хөлөө хавчдаг байж билээ. За тэгээд гэртээ ирэхэд ч мөн сайхандаа. Ээж маань түмбүүчик, сирвантандаа гоё юм хадгалана. Намар оройхон үнээ ширгэчихээр сүү олддоггүй байсан ч юмуу хар ч гэсэн будаатай цай чанаа...

[дэлгэрэнгүй]

Миний тэмүүлэл

no_email@coo.mn (hutagt_eh) — Fri, 25 Feb 2011 19:35:00 +0800

Тэнгэрлэг оршихуй миний тэмүүлэл
Бурханлиг сэтгэл миний тэмүүлэл
Нүд дүүрэн нүнжиг миний тэмүүлэл
Миний тэмүүлэл миний хир үгүй тунгалаг сэтгэл

Сэтгэл санаа минь уужуу, нэг л тайван Би Амгалан

no_email@coo.mn (hutagt_eh) — Mon, 14 Jun 2010 15:22:00 +0800

Сэтгэл санаа минь уужуу, нэг л тайван Би Амгалан
Амгалан байна, Би Амгалан байна
Нэг л тайван бүх юм сайхан байнаа гэж...................
Сайхан байна шүү амьдрал минь үнэхээр
Амгаланг мөрөөдсөөр амгалангийнхаа учир шалтгааныг одоо л нэг ойлгодог болж байна даа.
Амьдралын нугачаа, даваа бүхэнийг давж гарахын тулд алхаж, гүйж, унаж, бүдэрч, босч, давж "УХААРАЛ" гэдэг бэлгийг цуглуулсаар хэдийнээ 60 талыг насалжээ гэж.
Амьдралаас би юу авч чадав? Авч чадсаан. "УХААРАЛ" гэдэг бэлгийн цуглуулагатай болсон. Энэ бол цаашдын амьдралын минь замыг гэрэлтүүлэх "ГЭРЭЛТ ЗУЛ".
"ГЭРЭЛТ ЗУЛ" минь цацран цацарч, олон олон гэрэлт зулыг асаахыг би зорино.

2010 оны 5 сарын тэмдэглэлээсээ

Хүүхдийн баяраар төрсөн сэтгэгдэл

no_email@coo.mn (hutagt_eh) — Fri, 11 Jun 2010 18:30:00 +0800

Энэ хүүхдийн баяраар бидний хэдэн нөхөд эмзэг бүлгийн хүүхдүүдийг баярлуулах аян зохиогоод нүүрэндээ гунигийн сүүдэртэй, нүдэндээ гомдлын нулимастай хэн нэгний халамж хайрыг царайчлан амьдарч байгаа жаахан бяцхан хүүхдүүдэд бэлэг тараах ажил зохион байгууллаа.
Баярын энэ өдөр хотын хөл хөдөлгөөн дүүрэн...Ээж, аавтайгаа хөтлөлцөн хөгжилдөн наадаж яваа хөөрхөн бяцхан үрс................Баярын уур амьсгал сайхан байлаа. Сүх жанжны талбай дүүрэн хүнтэй...........Олон, олон компаниуд хүүхдүүдийг баярлуулана гэж Сүхбаатарын талбайд туг, далбаагаа намируулан сүр дуулиан ихтэй.............Зарим нэг нь чин сэтгэлээсээ баярлуулах хүсэлтэй, зарим нэг нь боломжийг алдалгүй өөрсдийгөө PR-дана.
Харин бидний зорилго эмзэг бүлгийн хүүхдүүдэд чиглэсэн байсан тул хотын захын гэр хороололуудруу манаргалаа.
Энд баяр................Харин тэнд................................ Өнөөдөр "ХҮҮХЭДИЙН БАЯР" гэж нэгэн сайхан тэмдэглэлт өдөр гэдгийг мэдэх ч үгүй нөгөө л нэг хэвийн бараан амьдрал үргэлжилсээр......

[дэлгэрэнгүй]

сэтгэл минь

no_email@coo.mn (hutagt_eh) — Fri, 11 Jun 2010 18:29:00 +0800

(Энэ хязгаарлалтын тохиргоотой бичлэг байна. Зөвхөн унших эрхтэй хүмүүс л нэвтэрч блогоос нь унших боломжтой...)

Тавтай мэнд байна уу?

no_email@coo.mn (hutagt_eh) — Wed, 07 Apr 2010 22:05:00 +0800

Өчигдөргүй өнөөдөр

no_email@coo.mn (hutagt_eh) — Sun, 07 Feb 2010 16:01:00 +0800

Өчигдөргүй өнөөдөр
Маргаашгүй өнөөдөр
Өнөөдөр л би
Өнөөдөрт

Гэнэн БИ

no_email@coo.mn (hutagt_eh) — Sun, 07 Feb 2010 10:54:00 +0800

Өнөөдөр би нэг нээлт нээв.
Үнэндээ нээлт ч биш л дээ
Өнгөрсөнд батлагдсан баримтуудыг
Уншиж мэдсэнээ нээлт гэв.

Балчир ухаанд минь
Бал бурам мэт
Хэмжээлшгүй, агуу
Баримт сэлт мэт

Энэ мэт уншисаар
Нээлтүүдийг нээсээр
Би бүгдийг мэднэ.
Учир нь би зөндөө нээлт нээсэн.

Ухаантан болж сэтгэрүүн
Урьтаж би үүнийг мэднэ.
Том болсон санагдана.
Тоолшгүй их мэдээлэл надад байна.

Туршилт хийв.
Тунгааж бодов.
Ихийг санав.
Ихэрхэж сайрхав.

Би төөрөлдсөн.
Будилж сайрхасан.
Бусдын нээлтийг уншсан
Бахархаж түүгээрээ сайрхасан.

Өчигдөр Би ахыгаа
Үүнийг мэдэхгүйн төлөө нь
шоолсон.
Арчаагүй доройгоор нь элэглэж
Амныхаа зоргоор аашиласан.

Ах харин хариуд минь
Хугарсан хөлөнд
Анхан шатны тусламж
Хэрхэн өгөхийг надаас асуусан

Энэ тухай бодож байгаагүй.
Энэ таны үүрэг
Учир нь та эмч

Гэтэл би юу бил...

[дэлгэрэнгүй]

Сайхан байнаа сайхан байна

no_email@coo.mn (hutagt_eh) — Sat, 06 Feb 2010 11:05:00 +0800

Сайхан байнаа сайхан байна
Амьдрал Сайхан юм
Тэмүүлж чадвал
Тэнгэрлэг сайхан
Улам гэрэлтэй
Гоё юм байна үнэхээр
Хүсч чадвал
Хөх тэнгэрт
Хүрч болох л санагдлаа
Амттай юм байна
Амьдрал үнэхээр
Гаталж чадвал
Зовлон харин
Онгоц болж болох юм байна.
Залж чадвал
Тэр зовлон чинь
Жаргалд хүргэх түлхүүр л юм байна.
Жаргалтай байнаа би
Жаргалтай байна
Учир нь би
Ирээдүйд
Онгоцны ахмад болох нь тодорхой
Яагаад гэвэл
Онгоцны ахмад болох
Сургуульд хөл тавилаа
Өчигдөр БИ......